نظم : ابھرتا سورج - ازقل : راشیدہ یاسمین، سکلیشپور (ہاسن،کرناٹک )
نظم :
ابھرتا سورج
از::راشیدہ یاسمین، سکلیشپور (ہاسن،کرناٹک )
9035972491
سب کہتے ہیں
شام خوبصورت ہوتی ہے…
جب سورج آہستہ آہستہ
خاموشی میں ڈوب جاتا ہے۔
مگر میری پسند
کچھ اور ہے۔
مجھے وہ لمحہ پسند ہے
جب رات تھک کر سو جاتی ہے،
اور روشنی
دھیرے دھیرے زمین پربکھر جاتی ہے۔
اس سورج کی کوئی اوقات نہیں،
جو اندھیروں کا دامن گیرہو…
میں تو اُبھرتے سورج سے محبت کرتی ہوں،
جو ہر دل میں روشنی جگائے۔
وہ سورج
جو اداسی بانٹے،
مجھے اس کی کوئی پروانہیں!
مجھے وہ اُجالا چاہیے
جو ٹوٹے ہوئے خوابوں کو جوڑ دے،
جو تھکے ہوئے حوصلوں کو
پھر سے کھڑا کر دے۔
میں ڈوبنا نہیں چاہتی،
میں رکنا نہیں جانتی۔
میں ہر صبح
خود سے وعدہ کرتی ہوں—
آج پھر روشنی بنوں گی۔
اسی لیے
میں سویرا چاہتی ہوں،
میں اُمید چنتی ہوں،
میں اپنی راہ خود بناتی ہوں۔
اور جب دنیا پوچھے—
تم اتنی روشن کیسے ہو؟
میں مسکرا کر کہوں گی—
میں اندھیروں سے نہیں،
میں سورج سے دوستی کرتی ہوں۔
Comments
Post a Comment