مریم ممتاز اردو پرائمری اسکول کے کے جی جماعت کے ساتھ پانچ سالہ طالبِ علم محمد ازلان ارباز شیخ نے ماہِ رمضان کا اپنا پہلا روزہ کامیابی کے ساتھ مکمل کیا۔
سولاپور: (الماس) مریم ممتاز اردو پرائمری اسکول کے کے جی جماعت کے طالبِ علم محمد ازلان ارباز شیخ نے ماہِ رمضان کا اپنا پہلا روزہ کامیابی کے ساتھ مکمل کیا۔ ازلان کی عمر محض ساڑھے پانچ سال ہے، اس کم سنی میں روزہ مکمل کرنا قابلِ تحسین عمل ہے۔
ادارے کے صدرِ محترم فیض انعامدار نے سب سے پہلے بچے کو دلی مبارکباد پیش کی اور اس کے جذبۂ ایمانی کو سراہا۔ بعد ازاں انتظامیہ اور اساتذۂ کرام نے بھی نیک تمناؤں کا اظہار کیا۔
بچے کے اہلِ خانہ نے بھی ازلان کی بھرپور حوصلہ افزائی کی اور اس کی ثابت قدمی پر خوشی کا اظہار کیا۔ خاندان کی جانب سے دعا کی گئی کہ اللہ تعالیٰ اسے صحت و سلامتی عطا فرمائے اور دین و دنیا میں کامیابیاں نصیب کرے۔
صدائے مہاراشٹر کی جانب سے اس معصوم روزہ دار، اسکول کے صدر مدرس ، اساتذہ، ان کے والدین نیز رشتہ داروں کو صمیم قلب سے بے حد مبارکباد۔
Comments
Post a Comment