انٹر کالجیٹ خطاطی مقابلے میں رئیس جونیر کالج کواول انعام۔

 بھیونڈی: (عبد العزیز انصاری) بھیونڈی معروف ادبی تیظیم ہم نشیں فاؤنڈیشن،بھیونڈی اور پرافٹ فار آل مہم کے اشتراک سے عید میلادالنبی کے موقع پررئیس ہائی اسکول اینڈ جونیر کالج میں انٹر کالجیٹ خطاطی مقابلے کا انعقاد کیا گیا۔ جس میں جونیئر کالجز کے طلبہ شریک ہوئے۔ مقام مسرّت ہے کہ رئیس ہائی اسکول اینڈ جونیئر کالج بھیونڈی کی بارہویں سائنس کی طالبہ اجوا شیرین خطاطی مقابلے میں شریک ہوئی اور ججوں کے متفقہ فیصلے کے مطابق اوّل انعام کی حقدار قرار پائی۔واضح ہو کہ طالبہ کی تیاری مشہور خطاط عظیم غرقاب اور صوفیہ مومن نے کی تھی۔ اس شاندار کامیابی پر انعام یافتہ طالبہ اور انکے رہنما استاتذہ کو کے ایم ای سوسائٹی مجلس منتظمہ کے عہدیداران واراکین،چیئرمین یاسر تاتلی، پرنسپل ضیا ء الرحمٰن انصاری، وائس پرنسپل عامر صدیقی، معاون ہیڈ ماسٹر مخلص مدعو،سپر وائزرس اسرار پٹھان و سبتطین کشیلکر،وائی، سی، ایم، او،یو اسٹڈی سینٹر کے کو آرڈینیٹر عبد العزیز انصاری اور جملہ اسٹاف کی جانب سے مبارکباد پیش کی جاتی ہے۔