مہانگر پالیکا اردو پرائمری اسکول نمبر 10، رام واڑی، سولاپور میں رمضان عید کے موقع پر ضرورت مند طلباء میں شیرخرما مصالحہ تقسیم کیا گیا
سولاپور : (نامہ نگار) مہانگر پالیکا اردو پرائمری اسکول نمبر 10، رام واڑی، سولاپور میں 26 مارچ 2025 کو رمضان عید کے موقع پر مخیر حضرات عرفان نور احمد شیخ کے تعاون سے اسکول کے ضرورت مند طلباء میں شیرخرما مصالحہ تقسیم کرنے کا پروگرام منعقد کیا گیا۔
اس پروگرام میں اسکول کی صدر مدرس محترمہ شیلدار شفقت بانو اشفاق، اساتذہ محترمہ زینت کوثر اخلاق احمد شیخ، محترمہ رضوانہ عبدالستار شیخ اور محترمہ مصباح نصرت عمران شیخ نے شرکت کی۔
اس پروگرام میں اسکول کے ضرورت مند طلباء میں شیرخرما مصالحہ تقسیم کیا گیا۔ رمضان عید کے موقع پر طلباء کی مدد کرنے کا یہ قابل ستائش اقدام تھا۔ اس سے طلباء میں خوشی اور جوش و خروش کا ماحول پیدا ہوا۔
اسکول کی صدر مدرس اور اساتذہ نے مخیر حضرات عرفان نور احمد شیخ کے اس سماجی کام کی خصوصی تعریف کی۔ ان کے تعاون سے اسکول کے ضرورت مند طلباء کی رمضان عید کی خوشی دوگنی ہو گئی۔
Comments
Post a Comment