ماہم میں طرحی نشست "بیادِ محمود سروش"۔

ممبئی : (نامہ نگا) 'بزمِ یارانِ ادب ممبئی' کی جانب سے ماہم میں پندرھویں ماہانہ طرحی نشست "بیادِ محمود سروش" منعقد کی گئی ۔ اس نشست کی صدارت خلیق الزماں نصرت صاحب نے کی۔ بطور مہمانِ خاص نوین جوشی نوا صاحب موجود تھے جبکہ نظامت کے فرائض توصیف کاتب نے انجام دیے ـ محفل کا آغاز عمران عطائی کے ذریعے نعت پاک سے ہوا ـ ۔ بعد ازاں شریک شعرائے بزم سندیپ یادو، شوکت علی، عمران عطائی ، بلال تیغی ،شاعرہ آمنہ امل ادریسی ، شاعرہ ارچنا ورما ، شاعرہ قرین شیخ، پرویز شیخ ، نسیم مرکزی ، آصف منور بلڈھانوی ،زین انصاری ، عارف عماد ، اظہر شاہد، احمد فیض آبادی، ساحل بستوی، شاعرہ آشو شرما ، عرفان ڈونڈوی ، ایاز بستوی ڈاکٹر اظہر اعظمی ، سلیم رشک اندوری، کے ڈی سیفی ، نجیب مراد ، ہنر رسولپوری ، شہاب خان ، قیام شاہ ،حفظ الرحمن آشنا ، شہرت ادیبی ، علی اکبر فیضپوری ، عادل راہی ، اسرار احمد اسرار، سدارتھ شانڈلیا ، اور مہمانِ خاص نوین جوشی نوا صاحب نے اپنے کلام سے سامعین کو محظوظ کیا-

آخر میں صدرِ نشست خلیق الزماں نصرت صاحب نے محمود سروش کی حالاتِ زندگی اور اُنکی ادبی خدمات بیان کی۔ اس نشست میں شہر و مضافات کے ادب دوست احباب نے کثیر تعداد میں شرکت کی۔