دی پروگریسیو اردو پرا ئمری اسکول میں فوڈ فیسٹیول منایا گیا۔

شولاپور: نامہ نگار (اقبال باغبان) دی پروگریسو اردو پرائمری اسکول میں فوڈ فیسٹیول منایا گیا۔اس پروگرام کا افتتاح ادارے کے زمہ دار اور سولاپور کے معروف ڈاکٹر الیاس شیخ صاحب نے کیا۔ اس موقع پر ادارے کے ڈائریکٹر ریاض بیدرے، نظیر احمد شیخ موجود تھے۔ اس وقت اسکول کے صدر مدرس اختر ملا سر نے مہمانوں کا ا ستقبال کیا۔ موصوف نے اپنی تقریر میں فوڈ فیسٹیول میں حصہ لینے والے تمام طلباء کی تعریف کی۔اس فوڈ فیسٹیول کی کنوینر نورجہاں پیرم پلی اور صبا منڈ یواڑی تھیں۔ اس تقریب میں سموسے، کدو کی کھیر چکن رول، کسٹرڈ، چکن بریانی، ویج پاٹس، وڑا پاو، کھیچڑا، چکن اسٹیک، پانی پری ، پاو بھاجی، پھلی کی پوری، میٹھا پان، چاکلیٹ پان، کیک ، ربڑی ، گلاب جامن، گاجر کا حلوہ اور دیگر پکوان شرکاکے لیے سجائے گئے تھے۔ پروگرام کو کامیاب بنانے کے لیے اسکول کے تمام اساتذہ اور غیر تدریسی عملے نے بھرپور محنت کی۔